fbpx

Еден загинат и двајца тешко повредени во сообраќајка со четири возила близу Гевгелија

Од здобиените повреди починал Б.Ј. (63) од с. Богородица, гевгелиско, кој возел Опел Корса, а тешко била повредена и неговата сопатничка Е.Ј. (63). Тешко повреден е и Б.М. (48) од Македонска Каменица, кој возел Мерцедес со регистарски таблички од друго возило и криумчарел седуммина мигранти од Сирија

-

Едно лице загинало и уште две лица се тешко повредени во сообраќајка на патот Гевгелија – Богданци во која биле вклучени четири возила, соопшти Министерството за внатрешни работи.

Од здобиените повреди починал Б.Ј. (63) од с. Богородица, гевгелиско, кој возел Опел Корса, а тешко била повредена и неговата сопатничка Е.Ј. (63). Тешко повреден е и Б.М. (48) од Македонска Каменица, кој возел Мерцедес со регистарски таблички од друго возило и криумчарел седуммина мигранти од Сирија.

Покрај Мерцедесот и Корсата, во сообраќајната несреќа биле вклучени и возило Хјундаи, управувано од Д.Т. (42) од Гевгелија, како и уште еден Мерцедес управуван од Ѓ.Ќ. (37) од Стојаково.

Несреќата се случила сношти околу 19:30 часот на мостот на реката Вардар, а телесни повреди имале и мигрантите.

Увид на местото извршиле екипа на Полициската станица Гевгелија и јавен обвинител, по чија наредба телото на починатиот било дадено на обдукција.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Носталгија по диктатори: Хусеин, Гадафи и Асад

Чест наратив на Кремљ е дека ирачкиот лидер Хусеин, либискиот Гадафи и сирискиот Асад биле големи патриоти и имале добри социјални политики, но дека биле жртви на американскиот империјализам,...