fbpx

Пендаровски: Ако од бугарска страна пак се спори идентитетот, да се повлечеме од преговорите

-

По денешната средба со членовите од Советот за безбедност, кажав дека откако францускиот предлог ќе влезе во Владата, очекувам во заклучоците на Влада, да стои дека од денот кога ќе ги зaпочнеме и завршиме преговорите, ако има дополнителни обиди од бугарските власти повторно да споменуваат прашања за македонската историја и идентитет, да не чекаме друг да не блокира, туку сами да се повлечеме од тие преговори. Ова во изјава за медиумите пред малку го истакна претседателот Стево Пендаровски, по денешната седница на Советот за безбедност.

„Имаме високи политички тензии во земјава и не верувам во перцепцијата која се создава во јавноста дека ова е судбинска дилема да се биде или не и дека наводно деновиве треба да донесеме одлука која ќе ја дефинира иднината на нашите генерации. Одлуката да го прифатиме францускиот предлог нема да биде ниту триумф, ниту дебакл. За мене тој е прифатлив. Станува збор за транзиционен компромис во една од фазите за евроинтегрирање на земјава. Со прифаќањето на овој предлог ја креваме бугарската блокада и дозволуваме формално отворање на преговорите. Баш со ништо францускиот предлог не го поткопува македонскиот идентитет, во предлогот има чиста формулација на македонскиот јазик без фуснота“, рече претседателот.

Тој кажа дека парадокс е дека во земјава никој нема против влезот на Бугарите во Уставот, но внатрешната поларизација го оневозможува консензусот.

„Имаше теза дека историјат е услов за понатамошен прогрес во преговорите. Тоа не е точно. Историјата воошто не е услов, има само една реченица и во прегледот и во протоколите. Се препорачува историската комисија да ја динамизира својата работа без да се сигерира од политичките фактори во која насока сето тоа да се движи“, дoдаде Пендаровски.

Постои страв кај значаен дел од Македонците, рече претседателот, дека во ЕУ може да влеземе само како Бугари и на ниеден друг начин.

„Драги пријатели мислам дека сите сме свесни како воопшто еден Македонец може да стане Бугарин? Тоа многумина наши граѓани го прават со земање бугарски пасоши. Барам уште денес или утре да има уште еден пасус плус, согласно кој, ако сега се согласуваме, до крајот ќе одбиеме било какви разговори ако има инсинуации за идентитетот, било од кого и да дојдат. Никој нема намера да прави задкулисни игри. Сите овие години, го одбранивме идентитетот од сите неетнички маркери. НеОва што јас го барам е еден вид на анекс на резолуцијата која лани ја усвоивме во парламентот“, рече Пендаровски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Грчкиот дипломат Рокас доаѓа на местото на Дејвид Гир како амбасадор на ЕУ за С. Македонија

Жосеп Борел, високиот претставник на Европската Унија, номинираше 44 нови шефови на делегации на ЕУ, вклучително и нови амбасадори на ЕУ во Босна и Херцеговина, Црна Гора и Северна...