fbpx

Општина Охрид со угостителите бараат автопатот Подмоље-Охрид да се гради од септември

Сите учесници на состанокот, со исклучок на СВР Охрид, го потпишаа барањето до Владата на РСМ и Министерството за транспорт и врски за да се одложат градежните работи меѓу Подмоље и Охрид за во септември

-

Изградбата на автопатот од Подмоље до Охрид и пренасочувањето на сообраќајот на стариот пат Охрид-Струга денеска ги собра на состанок охридскиот градоначалник Кирил Пецаков со претставници на Хотелската асоцијација на Македонија, угостителскиот еснаф од Охрид, туроператори, туристички агенции, СВР Охрид и стручните служби при Општина Охрид.

Сите учесници на состанокот, со исклучок на СВР Охрид, го потпишаа барањето до Владата на РСМ и Министерството за транспорт и врски за да се одложат градежните работи меѓу Подмоље и Охрид за во септември.

„До ова барање се дојде имајќи предвид дека не станува збор за последни километри за изградба од автопатската делница, па така градежните активности може да се насочат на друга точка, а од септември да продолжат на оваа“, се наведува во барањето, додавајќи дека ваквиот потег бил погубна одлука бидејќи со тоа значајно ќе се намалел бројот на гости кои што ќе престојуваат во Охрид.

Инаку, од Министерството за транспорт и врски уште пред два дена напоменаа дека нема да дозволат опструкции за да се блокира реализацијата на автопатот Кичево-Охрид. Од централната власт велат дека реакцијата на градоначалникот Пецаков е несфатлива и доаѓа од градоначалник од политичката партија која оставила хаос на истиот автопат, а сега истите тие грчевито се борат тој автопат да не се изгради.

Крајниот рок за изведба на автопатот Кичево-Охрид е 31 декември 2023 година. Кинеската компанија Синохидро до овој датум треба да ја доврши изградбата на целата траса меѓу двата града. Од ЈП за државни патишта во неколку наврати претходно најавија дека пуштањето во употреба на автопатот кој се гради уште од 2014 година ќе се одвива етапно.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Деновите од изборите ќе се одработат, учениците подолго ќе престојуваат во училиште

Министерството за образование и наука информира дека наставата од деновите на гласање - 24 април и 8 мај, како и од 30 ноември кога беше организиран Самитот на ОБСЕ...