Инвестициите во обновливи извори на енергија достигнаа рекордни 286 милијарди долари во 2015 година, од кои повеќе од половината од вложувањата првпат се од земјите во развој, според објавениот извештај на Обединетите нации (ОН).

Светот инвестирал преку 2.300 милијарди долари во обновливи извори на енергија од 2004 година, кога вредноста на вкупните инвестиции изнесувала помалку од 50 милијарди долари.

– Обновливите извори на енергија стануваат сè поважни за начинот на живот кој го карактеризира ниска емисија на јаглерод диоксид. Важно е што првпат во 2015 година вложувањето во обновливи извори на енергија било поголемо во земјите во развој отколку во развиените земји – изјави шефот на ОН за заштита на животна средина и коавтор на овој извештај, Аким Штајнер.