Дел од страниците на кои Никола Груевски и вчера, еден ден по оставката, се водеше како премиер, денеска се ажурирани и наместо доскорашната позиција сега во описот стои „политичар“.
На официјалната веб-страница на Владата, сега како премиер стои Емил Димитриев.
На официјалниот фејсбук-профил на Груевски вчера стоеше: Премиер на Република Македонија и лидер на ВМРО-ДПМНЕ, а меѓу информациите од работната биографија пишуваше дека е премиер на Македонија од август 2006 и дека сè уште ја извршува функцијата. Денеска, пак, има измени и стои дека се кандидира за премиер и дека моментално е претседател на ВМРО-ДПМНЕ. Во описот на работната биографија сменето е времетрањето на функцијата премиер, каде е додаден датумот јануари 2016 година.
На „Твитер“, пак, сè уште стои: Премиер на Република Македонија и лидер на ВМРО-ДПМНЕ.
И на официјлната веб-страница на ВМРО-ДПМНЕ пишува дека Никола Груевски сè уште е премиер на државата.
„Википедија“ навреме ги ажурираше податоците, па на страницата за Македонија стои дека од 18 јануари 2016 година привремен премиер е Емил Димитриев.