Израел повеќе нема да дава територии поради сегашната клима на Блискиот Исток, соопшти синоќа израелскиот премиер Бенјамин Нетанјаху, со што се исклучува можноста за создавање палестинска држава.
Аналитичарите велат дека изјавата на Нетанјаху, дадена пред изборите закажани за 17 март, навестува дека нема да има мировни преговори доколку тој победи на изборите.
Како што се наведува во соопштението од владејачката партија Ликуд, Нетанјаху смета дека секоја евакуирана територија би можела да падне во рацете на екстремистите и на терористичките организации, поради што ја отфрла идејата за повлекување или за давање концесии.