Извори од СДСМ информираат дека нема напредок на лидерската средба, која во моментов се одржува во Клубот на пратеници.
Според нив, никој не отстапува од првичните позиции и секој на маса ги објаснува своите аргументи.
Како што информираат неофицијално, амбасадарот на САД, Џес Бејли, и шефот на Делегацијата на Европската унија во Македонија, Аиво Орав, се само набљудувачи и досега немаат дадено ниту еден предлог.
Вториот дел од средбата само што почна.
– Во една тешка недела за државата, се сретнавме да дадеме заедничка поддршка на демократските вредности, вклучувајќи го и правото на мирен протест и на осуда на насилството, без разлика дали во криминални или политички цели. Ние, исто така, се согласивме да продолжиме со дијалогот за унапредување на евроатланската агенда за доброто на граѓаните – се вели во заедничката изјава на политичките лидери.