Министерството за здравство (МЗ) соопшти дека во период од една седмица за 51 отсто, е зголемен бројот на позитивни од тестирани на SARS-CoV-2, односно коронавирусот.
Регистрирани се заболени лица од сите возрасни групи, а најзастапени се лицата на возраст од 30-39 (27 отсто), 20-29 (24 отсто) и 40-49 (17 отсто). Најмал број е регистриран кај возрасната група од 0-9 години (2 отсто).
Најголемо зголемување на заболени е кај возрасната група од 20-29 години како и кај возрасната група од 30-39 години.
Во период од една недела односно од 3 до 9 јануари, пријавени се 946 реинфекции, со зголемување од 7 пати во однос на претходната недела.
Во лабораторијата за вирусологија и молекуларна дијагностика на Институтот за јавно здравје (ИЈЗ), во периодот 5- 10.01.2022, направено е секвенционирање на вкупно 152 позитивни примероци на SARS-CoV-2, а во 104 од нив (68 отсто) е детектирана Омикрон варијантата. Омикрон варијантата е откриена во 12 градови и тоа: Скопје – 48, Охрид – 27, Кочани – 7, Тетово – 6, Велес – 5, Пехчево, Штип, Гевгелија, Кавадарци по 2 и Виница, Неготино, Битола по 1 заразен.
Според извештаите од болниците моментално на територија на цела држава се хоспитализирани 351 лице што е 41 отсто повеќе во споредба со претходна недела. Од вкупниот број хоспитализирани пацинети, 156 се во Скопје на КИБФС, ТБЦ и ГОБ 8 Септември. Во останатите болници низ државата хоспиталзиирани пациенти има во Битола, Штип, Велес, Куманово, Охрид, Прилеп, Струга, Кичево, Кавадарци и Струмица.
Зголемен е бројот на дневни прегледи во инфективните одделенија низ болниците во државата, бројот на прегледи на дневно ниво понекогаш во болниците во Скопје надминува 100 пациенти.
Според епидемилошките анкети најголем дел од пацинетите имале контакт со позитивен случај 3 дена пред почетокот на симптоми/добивање на позитивен резултат.
Министерството за здравство, апелира граѓаните кои чуствуваат какви било симптоми, да направат тест и да се излоираат како би спречиле ширење на вирусот.
