Во изминатите 24 часа, Министерството за внатрешни работи им издало потврди на вкупно 2.797 странски државјани за искажана намера за поднесување барање за признавање право на азил.
Според државјанството на лицата на кои им се издадени потврди, најбројни се државјаните на Сирија – 1.126, Авганистан – 880 и на Ирак – 791.
Од 19 јуни до вчера издадени биле потврди на вкупно 300.420 странски државјани.
Во изминатото деноноќие до секторот за азил не се поднесени барања за признавање право на азил врз основа на претходно издадена потврда за искажана намера за поднесување барање за признавање право на азил.
Од почнувањето на издавањето на потврдите до вчера до секторот за азил поднесени се 80 барања за признавање право на азил врз основа на претходно издадена потврда.
