fbpx

Министерство за здравство: Од четврток до недела портокалова фаза во цела држава

-

Согласно добиените информации од метео-алармот на Управата за хидрометеоролошки работи, во следните четири дена – од четврток до недела, територијата на целата држава ќе биде зафатена со високи температури од портокалова фаза и во овој период ќе важат препораките за намалување на ризиците од високи температури, велат од Министерството за здравство.

Од таму информираат дека почнувајќи од утре, сите региони во државата ќе влезат во портокалова фаза, при што состојбата на топлотен бран почнува да важи на целата територија на Македонија.

Со цел заштита на здравјето на населението, Министерството дава неколку препораки: ослободување од работните обврски на најранливите групи население, како што се бремените жени и хронично болни лица; во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11 до 17 часот; единиците на локалната самоуправа, Црвениот крст и Центрите за социјални работи во регионите зафатени со топлотниот брат да укажат помош на постари, изнемоштени лица и бездомници.

Со оглед на фактот дека одредени ризични производни и технолошки процеси може да претставуваат дополнителен ризик врз здравјето на изложените работници, МЗ потсетува работодавците да ја почитуваат обврската според законските прописи од оваа област.

Од Министерството ги потсетуваат граѓаните да ги почитуваат општите мерки за заштита на здравјето, како што се останувањето во затворени (климатизирани) простории во текот на екстремно топлите денови, да се носи светла и лесна облека, а при изложеност на сонце да се носат заштитни очила и капа, да се внесува помало количество храна, претежно овошје и зеленчук, да се консумираат големи количества течности – најдобро вода за пиење и да се избегнува алкохол, да се проветруваат возилата при влегување во нив, а хронично болните редовно да ја земаат пропишаната терапија, во консултација со матичните лекари.

„Поради високите температури и зголемената можност за појава на труењата со храна и цревни заразни заболувања, се препорачува: задолжително миење на свеж зеленчук и овошје пред нивната употреба; термичка подготовка на храната и нејзино консумирање во многу краток рок по подготовката, како и избегнување термички необработени производи“, апелираат од Министерството за здравство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Дивата депонија во Никуштак повеќе од две децении ги труе граѓаните, ветувањата за нејзино расчистување не се реализираа

Повеќе од две децении нема решение за расчистување на депонијата во село Никуштак во општина Ликово. Жителите изгубиле надеж дека овој проблем ќе се реши и и понатаму се...