fbpx

Медиумите би објавиле сè за да добијат клик повеќе, вели Ризаов кој алармира на претпазливост за лажни вести

Од почетокот на конфликтот меѓу Израел и Хамас напливот на дезинформациите во однос за војната се зголеми и во Македонија и во земјите од Западен Балкан, вели за Гласот на Америка на македонски, Горан Ризаов од Фондацијата Метаморфозис

-

„Осум милијарди долари американска воена помош за Израел“, „Војната Израел-Хамас се шири на интернет“, „Заробен израелски генерал“, „Украина му обезбедува оружје на Хамас“.

Овие наслови споделени на социјалните мрежи и медиумите се лажни вести. Ваквиот наплив на ширење дезинформации доаѓа во време на израелско-палестинскиот конфликт кои создаваат конфузии кај читателите и креираат лажна перцепција за одредени појави.

„Од почетокот на конфликтот меѓу Израел и Хамас напливот на дезинформациите во однос за војната се зголеми и во Македонија и во земјите од Западен Балкан“, вели за Гласот на Америка на македонски, Горан Ризаов од Фондацијата Метаморфозис, под чија капа е Вистиномер – алатка за зголемување на отчетност и одговорност.

„Медиумите овде многу посветуваат внимание на овој конфликт, објавувајќи сензационалистички вести, видеа и фотографии од непроверени извори, и фотографии за коишто многу пати се покажува дека не се од сегашниот конфликт, туку дека се од порано. На тој начин причината поради која овде мејнстрим медиуми главно, објавуваат вакви вести, според мене, се економски. Тие би објавиле сè за да добијат клик повеќе. Објавуваат сензационалистички наслови кои привлекуваат внимание, меѓутоа, начинот на кој се користат тие видеа и фотографии е неетички“, вели Ризаов.

Но, тој предупредува на внимателност, бидејќи не секогаш причината за споделување на сензационалистички вести, видеа и фотографии е економска. Ризаов вели дека тоа се прави „и од други причини, и заради туркање на агендата на разни центри на моќ од земјата и од странство“.

На платформата Вистиномер веќе се детектирани неколку лажни вести поврзани со израелско-палестинскиот конфликт. Една од нив, е и дезинфомацијата дека наводно администрацијата на Бајден давала воена помош за Хамас.

Целиот разговор на Горан Ризаов за Гласот на Америка може да се погледне на овој линк.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Минчев, поради злоупотреби, најави укинување на балансерот

Министерот за јавна администрација Горан Минчев најави укинување на балансерот. Како причина за ова, тој рече дека балансерот во минатото бил предмет на злоупотреби. „Имавме случаи каде етнички Македонци се...