Маж маскиран како Фреди Кругер, рани пет лица во Сан Антонио, во сојузната американска држава Тексас, на забава по повод Ноќта на вештерките.
Полицијата објави дека неповикан гостин, малку по 2 часот наутро, одеднаш извадил оружје и почнал да пука во луѓето присутни на забавата.
Пред пукањето, напаѓачот се расправал со друг маж, а по пукањето и двајцата побегнале.
Полицијата сè уште се обидува да открие што му претходело на пукањето, но се претпоставува дека во инцидентот пресудна улога имала консумацијата на алкохол.
Ранетите од забавата се згрижени во локаните болници.