fbpx

Малолетниците и повозрасните од 67 години ќе имаат право да се движат како и другите граѓани, одлучи Уставен суд

-

Уставниот суд контра препораките на Комисијата за заразни болести. Судиите на денешната седница времено ја запреа одлуката за посебен режим за движење на лицата помлади од 18 години и на повозрасните од 67 години, која што Владата ја донесе заради заштита од корона вирусот. Со оваа одлука на Судот, овие категории ќе можат да се движат како и останатите граѓани од 5 до 19 часот.

„Уставниот суд по одржаната 14. седница поведе постапка за оценување на уставноста на член 1 точки 2 и 3 од Одлуката за изменување на Одлуката за забрана и посебен режим на движење на територијата и донесе решение за запирање на извршувањето на поединечни акти или дејствија што се преземени врз основа на Одлуката чија уставност ја оценува согласно член 27 став 1 од Деловникот на Уставниот суд на Република Северна Македонија,“ се вели во одлуката на Судот.

Владата, а по препорака на Комисијата за заразни болести, одлучи помладите и повозрасните граѓани да имаат право на различно време на движење, за да се избегне ризикот од пренос на корона вирусот. Помладите лица можат да бидат асимптоматски носители, и во тој случај, тие можат да го пренесат вирусот на ризичните категории на граѓани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Донбас. Вчера, денес, утре“ – документарец во најдобрата пропагандна традиција на Кремљ

Руската амбасада деновиве го сподели на Фејсбук документарецот „Донбас. Вчера, денес, утре“ (2021), во кој се користи една честа манипулација, а тоа е правење збрка во редоследот на настаните, за...