Македонци иселени во Вашингтон денеска протестираа пред Амбасадата на Македонија, во знак на поддршка за своите сограѓани кои протестираат за владеењето на правото и за демократијата во Македонија, пишува „Радио МОФ“.
– Ги поддржуваме нашите сограѓани во нивните барања, оставка на претседателот Иванов, почнување на процес за избор на експертска влада и итно суспендирање на почнатиот процес за одржување на избори во јуни. Ние, како граѓани на Република Македонија во дијаспората, имаме одговорност јасно и гласно да го изразиме нашето незадоволство од ситуацијата во Македонија – напишал Алексеј Демјански, еден од демонстрантите на протестот, на својот профил на „Фејсбук“.
