Во текот на вчерашниот ден, издадени се вкупно 4.396 потврди на странски државјани.
Како што соопштуваат од Министерството за внатрешни работи, од овие лица 1.822 биле мажи, 808 жени, а 1.388 деца што го придружувале носителот на потврдата.
Границата ја поминале и 378 деца што патувале без родител, а на кои им е издадена потврда за искажана намера за поднесување барање за признавање право на азил.
Според државјанството на лицата, најбројни се државјаните на Сирија – 2.314, Ирак – 1.179 и на Авганистан – 900.