fbpx

Литар дизел од полноќ ќе чини 69 денари

Намалувањето на цените е резултат на падот на цените на нафтените деривати на светскиот пазар во споредба со претходната пресметка

-

Малопродажната цена на Eуродизел се намалува за 2 денари за литар и од полноќ ќе изнесува 69 денари, Eуросупер 95 ќе чини 80 денари за литар, а Eуросупер 98 ќе чини 82 денари, информира денеска Регулаторната комисија за енергетика и водни услуги (РКЕВУ).

„Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,834 отсто, кај дизелот за 3,9 отсто, кај екстра лесното масло за 0,58 отсто и кај мазутот намалувањето е за 0,63 отсто“, наведено е во соопштението од РКЕ.

Малопродажната цена на екстра лесното масло за домаќинство на (ЕЛ-1) не се менува. Малопродажната цена на Мазутот М-1 НС се намалува за 0,362 ден/кг и сега ќе изнесува 41 денари за килограм.

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Навални погребан во Москва, го испратија илјадници Руси под силно полициско присуство

Илјадници Руси го скандираа името на Алексеј Навални изјавувајќи дека нема да им простат на властите за неговата смрт, додека денеска во Москва траеше погребот на најголемиот опонент на...