Меѓународниот ден на џезот ќе биде одбележан со концерт на отворено, на платото пред трговскиот центар „Скопје сити мол“, в четврток (30 април). На концертот ќе настапат Мартин Ивановски, „Бас енд глас“, Ади, Дино и „Џоле трио“ и „Давид Нешковски трио“.
Годинешната прослава на Меѓународниот ден на џезот ќе биде посветена на прерано починатиот македонски џез-музичар Јовица Јовановски и на кубанскиот перкусионист Оскар Салас.
30 април е прогласен за Меѓународен ден на џезот на Генералната конференција на УНЕСКО во ноември 2011 година. Една година подоцна, во април е организирана првата прослава под лидерство на Херби Хенкок, една од легендите на светската џез-сцена и амбасадор на добрата волја на УНЕСКО.
Концертот е со почеток во 18 часот и ќе биде бесплатен. Организатори на настанот се „Баги комуникации“ и „Скопје сити мол“.
