Кениски воени авиони бомбардираа позиции на исламистичка група Ал Шабаб во соседна Сомалија. Мета биле два кампа во регионот на Гедо, кои терористите ги користат како место за обука и за влегување во Кенија.
Ова е прв одговор на Кенија на масакрот на универзитетот во Гариса, кој го извршија членови на Ал Шабаб.
– Нашата војска одговори на заканите, почнавме ограничени воздушни напади. Во оваа фаза немаме повеќе информации – изјави портпаролот на армијата на Кенија, Дејвид Обонја.
Во минатонеделниот терористичкиот напад на кампусот на универзитетот загинаа 148 лица.
