Сојузот на синдикатите на Македонија и Организацијата на работодавци на РМ денеска ги продолжија разговорите околу измени и дополнување на Општиот колективен договор за приватниот сектор од областа на стопанството, вклучително и за регресот за годишен одмор.
– Партнерите констатираа дека правото на регрес за годишен одмор останува за работниците од приватниот сектор во Македонија, со тоа што истото би било поврзано со членување во синдикат. Во одредени случаи би се утврдила и можноста при исплатата да се земе предвид економско-финансиската состојба на работодавецот, за што задолжително се прави посебен договор со синдикатот на ниво на работодавец по претходна согласност од синдикатот на повисоко гранско ниво, односно дејност – се вели во соопштението до медиумите.
На средбата е договорено формирање работна група, која е должна да го утврди точниот текст на измените и на дополнувањата.