fbpx

Јавен превоз во Скопје утре ќе има до 9 часот, вработените во ЈСП одат на протест

Вработените во ЈСП Скопје ќе протестираат пред Град Скопје, додека се одржува вонредната седница на Советот на Град Скопје каде што треба да се одлучува дали претпријатието ќе добие субвенции

-

Автобусите на ЈСП утре ќе вршат превоз на патници од 4.30 до 9 часот изутрина, а од 10.30 часот вработените ќе заминат на протест пред Град Скопје, додека се одржува вонредната седница на Советот на Град Скопје каде што треба да се одлучува дали претпријатието ќе добие субвенции.

Автобусите на ЈСП ќе бидат паркирани во базите на претпријатието во Автокоманда и во Ѓорче Петров.

„Вработените во ЈСП Скопје имаат срце и душа да им излезат во пресрет на граѓаните на Скопје, на болните лица, децата, вработените за да може да стигнат на своите работни места. Меѓутоа во 9 часот сите автобуси се повлекуваат во базите. Во 10:30 часот вработените на ЈСП ќе бидат пред Собранието на Град Скопје каде во 11 часот почнува вонредната седница на советот околу субвенционирањето на јавното претпријатие“, рече претседателот на Синдикатот Миќо Стојановски, додавајќи дека зависно од епилогот од седницата на Советот ќе зависи дали автобусите на ЈСП ќе продолжат да возат.

Тие бараат да им се исплати декемвриската плата и се надеваат дека вакви проблеми ќе нема во текот на годината, за да нема малтретирање на граѓаните.

Утре, на првиот ден од второто полугодие за учениците, како што велат од Синдикатот на ЈСП за подрачните училишта кои имаат договор со Претпријатието ќе биде обезбеден превоз, а ќе има комбиња и за лицата со посебни потреби.

ЈСП „Скопје“ не може да подели плата затоа што одлуката за доделување субвенции во висина од 11 милиони евра од Град Скопје не помина, бидејќи за неа не гласаа советниците од ВМРО-ДПМНЕ.Градоначалничката на Град Скопје Данела Арсовска во четвртокот изјави дека очекува одговорност од Советот на Град Скопје, поради неисплатената декемвриска плата. Таа нагласи дека сите одлуки кои што се однесувале на редовното функционирање на ЈСП, а се поврзани со градскиот буџет, биле доставени до Советот и до претстедателот на Советот.

„Дури свикав и една итна седница, но тој со своето дискрециско право одлучи точките кои всушност беа најважни за претпријатијата на Град Скопје, да ги отстрани од дневниот ред. Побаравме нова вонредна седница, истата до овој момент не е свикана. Јас се надевам дека прво одговорност ќе понесат со функцијата што ја имаат, а доколку сакаат свесно да ги уништат претпријатијата, одговорноста е нивна. Ние, од наша страна, направивме сѐ што можевме“, рече Арсовска.

Од понеделник ќе нема јавен превоз ако не се изгласаат субвенции за ЈСП

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сајберпанк играта „Ghostrunner“ до утре е бесплатна на „Epic Games“

Играта „Ghostrunner“ со сајберпанк тематика, паркур скокање и прекачување каде играте „уличен самурај” што користи надградена катана и кибернетски импланти, е достапна за бесплатно преземање од „Epic Games“ до...