Од денеска, до 28 мај, во зградата на Хрватската матица на иселениците во Загреб, Македонското културно друштво „Охридски бисер“ ја организира културна манифестација: „Денови на македонската култура“.
Попладнево, во 18 часот, ќе биде отворена изложбата: „Македонија така далечна, а така блиска“, филателистичка постановка на стари македонски разгледници и пригодни пликоа, кои го поврзуваат македонскиот и хрватскиот народ и прилог нумизматичка збирка.
Автор на изложбата е Драгољуб Сиљаноски.
На „Деновите на македонската култура“ свој настап ќе имаат пејачката група „Моми бисерни“ и оркестарот „Охридски бисер“. Покровители се Советот за национални малцинства на Република Хрватска и Хрватската матица на иселениците.
