fbpx

Иванов ги запознал ЕУ-амбасадорите со мотивите за одлуката за помилување

-

Претседателот Ѓорге Иванов имаше средба со амбасадорите на земјите членки на Европската Унија во Република Македонија, соопштија од кабинетот на претседателот.

На средбата Иванов ги запознал амбасадорите со мотивите и со целта што сакал да ја постигне со одлуката за помилување, односно ослободување од гонење без спроведување постапка, како и со контекстот и со сите аспекти поради кои е донесена одлуката.

Амбасадорите ги изнеле позициите и загриженоста на земјите што ги претставуваат во врска со одлуката и со политичката криза.

На средбата, исто така, биле разгледани и состојбите со мигрантската и со безбедносната криза, како и предизвиците што произлегуваат  од нив.

Засега не се откриваат повеќе детали од разговорите, кои се случуваат неколку дена пред одржувањето на лидерската средба во Виена, која треба да послужи за спасување на Договорот од Пржино.

На средбата во Виена ќе присуствуваат еврокомесарот за проширување Јоханес Хан, европратениците Иво Вајгл, Едвард Кукан и Ричард Ховит, како и амбсадорите на САД и на ЕУ во Македонија, Џес Бејли и Аиво Орав.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Иран со дронови го нападна Израел

Портпаролот на израелските одбранбени сили Даниел Хагари потврди дека Иранците испратиле беспилотни летала кон Израел и дека израелската држава е подготвена на сè. Во меѓувреме, американскиот претседател Џо Бајден...