Presidenti Ivanov sot ka pasur takim me ambasadorët e vendeve anëtare të BE-së në Maqedoni, në të cilën janë shkëmbyer mendime dhe informata në lidhje me krizën politike.
Në takim Ivanov i ka njoftuar ambasadorët me motivet pse e ka marrë vendimin për faljen e politikanëve. Ambasadorët kanë shprehur shqetësimin e shteteve që i përfaqësojnë lidhur me krizën politike.
Në takim gjithashtu është diskutuar rreth krizës së refugjatëve dhe sfidat që dalin nga kjo.
Tani për tani nuk zbardhen detaje nga bisedimet. Në ndërkohë, të premten në takimin në Vjenë do të marrin pjesë euro- ambasadori për zgjerim Johanes Han, euro- deputetët Uajgl, Kukan dhe Houit si dhe ambasadorët e SHBA-së, Bejli dhe ai i BE-së, Orav.
