Во тензична атмосфера и по краток судир меѓу демонстрантите и полицијата пред зградата на Театар „Комедија“, заврши протестот на граѓанските организации.
Мал инцидент се случи откако лидерот на Достоинство, Стојанче Ангелов, ги повика граѓаните да ѝ се спротивстават на полицијата, која, според него, нема право да ги спречи граѓаните да протестираат и да го изразат својот револт бидејќи протестите се мирни и меѓу нив нема насилници.
Ја повикуваат полицијата да се тргне и да им дозволи слободно да се движат #Протесрирам #П pic.twitter.com/9tAFdTmimL
— META.mk (@meta_agency) April 19, 2016
Во обид да ја премислат полицијата да ги пушти да протестираат пред ЕУ-Инфоцентарот, граѓаните извикуваа „Пуштете го народот“, „Николче диктаторче“ и „За преговори не“.
Граѓаните извикуваат „Пуштете го народот“, „Долу диктатура“, „Слобода“ #Протестирам #П pic.twitter.com/dzTdaHbn9K
— META.mk (@meta_agency) April 19, 2016
Еден од демонстрантите на полицајците јавно им ги постави прашањата: „Дали сте човечиња?“, „Колку е казна затвор за изборна измама?“ и „Дали ве греат ќебињата од ЈНА?“.
На крајот на протестот, Стојанче Ангелов им се обрати на полицајците и им порача да размислат дали следните денови ќе им се придружат на демонстрантите. Тој ги потсети на лошите услови во кои работат, немањето дневница за тоа што се тука и им порача дека нема да ги избркаат од работа доколку во голем број преминат „на другата страна“.
Ангелов ги повикува полицајците да му се придрижи на народот, посетувајчи дека дале заклетва #Протестирам #П pic.twitter.com/y8ppXQISBt
— META.mk (@meta_agency) April 19, 2016
Протестот на граѓанските организации почна пред Специјалното јавно обвинителство, а продолжи кон Собранието, при што демонстрантите кратко се задржаа пред зградата на Министерството за правда, по која фрлаа ќесиња со боја.
Полициско обезбедување пред Министерството за правда за време на протестот #Протестирам #П pic.twitter.com/f70alHZ4SX
— META.mk (@meta_agency) April 19, 2016
По Собранието, тие се упатија кон зградата на Владата, каде што на железната ограда, пред полицијата, го оставија транспарентот „Еднаквост, правда, слобода“.
Од пред Владата, тие се упатија пред ЕУ-Инфоцентарот, но не успеаја да стигнат до зградата бидејќи беа пресретнати од Единицата за брзо распределување и од голем број оклопни возила.
