fbpx

Исланд прогласи вонредна состојба поради страв од вулканска ерупција

Во петокот во Исланд се забележаа над 800 потреси, за кои се смета дека се најверојатно предизвикани од подземна река од магма

-

Во Исланд е прогласена вонредна состојба поради зголемениот ризик од вулкански ерупции на полуостровот Рејкјансес, известува Би-би-си. Забележани се повеќе од 20.000 земјотреси во земјата изминатите недели – се смета дека истите се предизвикани од подземна „река“ на магма, што може да резултира со ерупција.

Како превентивна мерка, евакуирани се жителите на градот Гриндавик, околу кој се смета дека постои најголем ризик за ерупција. Според Исландскиот метеоролошки институт, може да започне ерупција во кој било момент во следните неколку денови.

Вчера им било дозволено на околу триесет жители на градот пет минути да влезат во своите домови за да ги земат своите домашни миленичиња и што друго што им требало, известува Гардијан. Оваа операција била спроведена од полицијата, а хеликоптери во близина биле подготвени да ги евакуираат луѓето доколку во тој момент еруптирал вулканот Фаградалсфјал.

Познатата термална бања Сина лагуна исто така беше затворена претходната недела.

Земјотреси кои го зафатија регионот предизвикаа пукнатини на исландските патишта како и на земјата. Граѓаните на Гриндавик велат дека почувствувале земјотреси од пет до шест степени по Рихтеровата скала во периоди од по неколку минути.

На полуостровот Рејкјанес не била забележана вулканска активност 800 години, сè до 2021 година. Од тогаш се забележуваат ерупции секоја година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Агресивен пензионер е снимен во итната служба на Неапол, а не на вакцинален пункт

Видеото од објавата што ја рецензираме не е од центар за вакцинација туку од итната помош во Неапол. Како што информираат проверувачите на факти на на Factcheck.vlaanderen, самата болница...