fbpx

Индустриското производство во октомври опаднало за 5,3 отсто на годишно ниво

-

Според Државниот завод за статистика (ДЗС), индексот на индустриското производство во октомври е 94,7 во однос на октомври 2021 година, односно бележи негативна разлика од 5,3 отсто.

Најголем е падот во секторот Рударство и вадење на камен, при што за само една година, односно октомври 2021-октомври годинава, се бележи пад од 13,2 отсто. Во секторот Преработувачка индустрија има опаѓање од четири отсто, а во секторот Снабдување со електрична енергија, гас, пареа и климатизација има опаѓање од 9,2 отсто.

Падот во секторот Преработувачка индустрија е резултат, пред сѐ, на намаленото производство во следните оддели: Производство на прехранбени производи, Производство на пијалаци, Производство на тутунски производи, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на други неметални минерални производи, Производство на метали и Производство на фабрикувани метални производи, освен машини и опрема.

Според главните индустриски групи, производството во октомври 2022 година, во однос на октомври 2021 година, бележи опаѓање кај Енергија за 4,4 отсто, Интермедијарни производи, освен енергија, за 14,5 отсто и Нетрајни производи за широка потрошувачка за 7,3 отсто, додека бележи пораст кај Капитални производи за 10,7 отсто и Трајни производи за широка потрошувачка за пет отсто.

Сепак, погледнато во поширок план, има и одредена многу слаба позитивна разлика, односно Индексот на индустриското производство во периодот јануари ̶ октомври 2022 година, во однос на периодот јануари ̶ октомври 2021 година, изнесува 100,3, што значи е поголем за 0,3 отсто во однос на лани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

АНАЛИЗА: Општина Гостивар има највисока наплата од данок на имот

Од четири анализирани општини во земјава, општина Кичево е со највисока наплата од данок на доход, 33 отсто во однос на планот. Највисока наплата на данок на имот, од...