Милитантите на Исламска држава преговараат со членови на терористички групи, вклучувајќи го и фронтот Ал нусра, за здружување на силите против сириските владини сили.
– Опремата за прислушување пресретна информација за почеток на преговори меѓу командантите на големите баталјони на фронтот Ал нусра и лидерите на Исламска држава за формирање коалициски сили за противнапад на сириските владини сили – соопшти портпаролот на министерството за одбрана на Русија, мајор генерал Игор Конашенков.
Фронтот Ал нусра и ИД имаат блиски односи од февруари 2014 година, кога терористичките групи почнаа борби кои резултираа со крвави судири.
Конашенков соопшти дека руските воздухопловни сили во последните 24 часа извршиле 46 лета и елиминирале 83 милитантски цели, бомбардирајќи терористички групи во пет сириски провинции, уништувајќи кампови, магацини, возила и работилници.
Во воздушниот напад се нападнати позиции на ИД и на фронтот Ал нусра во Алепо, Дамас, Диер ел-Зор, Хама, Идлиб и во Латакија.