Граѓаните од денеска, по електронски пат ќе можат да си го проверат стажот. За да имаат пристап до податоците, претходно во Фондот треба да подигнат корисничко име и лозинка.
За ова денеска информираше министерот за труд и социјална политика, Диме Спасов.
Проектот, како што истакна тој, е во во насока на поголема информираност на граѓаните за состојбата со нивниот пензиски стаж, со што ќе имаат можност навремено да реагираат доколку тој не им е впишан за одреден период за кој работеле, пред 2009 година од кога почна интегрираната наплата на придонесите.
Директорот на Фондот за ПИОМ, Амет Даути, информираше дека ќе продолжи да функционира и стариот начин за информирање за стажот на шалтерите на Фондот на ПИОМ и во подрачните единици.
