fbpx

Град Скопје не го поддржа единствениот фестивал за феминизам ПРВО ПА ЖЕНСКО

-

Единствениот фестивал за феминизам и феминистичка култура во Северна Македонија, ПРВО ПА ЖЕНСКО годинава остана без средствата од Град Скопје. Градските власти одлучија да не ја поддржат овогодинешната музичка програма на фестивалот којшто годинава го слави јубилејното десетто издание, информираат организаторите Тиииит! Инк.

„Оваа година ППЖ го слави своето јубилејно десетто издание, па затоа се потрудивме и програмата на фестивалот да ја отсликува оваа децениска заложба за отворање и одржување на овој феминистички простор во нашиот град. За жал, добивме само штуро известување по мејл за ваквата одлука, без никакво подетално образложение или решение, кое би ни овозможило да ја обжалиме ваквата одлука на Град Скопје“, велат од фестивалот ПРВО ПА ЖЕНСКО.

Тие денеска јавно излегоа со реакција на социјалните мрежи за да побараат објаснување од надлежните во Град Скопје и соодветно да реагираат поради ова.

„Се надеваме дека Одделението за култура при Град Скопје ќе се одважи и ќе ни одговори на овој јавен приговор, затоа што во моментот организацијата Тиииит! Инк. е лишена од секаков друг вид на простор за приговор и објаснување“, се наведува во нивната објава на Фејсбук.

Инаку, претходно со реакција за критериумите за доделување на средства од Градот Скопје годинава се јави и пејачката Кристина Арнаудова, која објави дека Градот Скопје за прв пат годинава не го поддржал одржувањето на бесплатниот летен камп за деца во социјален ризик „Шарено лето“. Овој летен камп постои од 2017 година и стотици деца досега го доживеале својот прв летен одмор со него.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Земјотрес синоќа почувствуван во Штип

Земјотрес чиј епицентар бил припаѓа на епицентралното подрачје Штип – Радовиш, вчеравечер бил регистриран од телеметриската сеизмолошка мрежа, информираше Сеизмолошката опсерваторија при Природно-математичкиот факултет во Скопје. Земјотресот се случил во...