Пратеничката група на ВМРО-ДПМНЕ изразува силна поддршка на политиката за забрзана и засилена инфраструктурна ревитализација низ Македонија, изјави Владимир Ѓорчев, пратеник во Собранието на Република Македонија.
Ѓорчев потсети дека во изборната програма, проектите од инфраструктурата беа наведени како приоритети и оти ќе продолжат со реализација на ветеното.
Пратеникот соопшти дека се обезбедени средства за почнување на повеќе инфраструктурни проекти во Источна Македонија, кои ќе се реализираат следната година, како што се патот Штип – Кочани, реконструкција на патот Кочани – Македонска Каменица – Делчево и прва фаза од реконструкцијата на најоштетените делови на патот Пробиштип – Крупиште, а се продолжува и со изградбата на автопатот Скопје – Свети Николе – Штип и реконструкција и проширување на патот Велес – Лозово – Кадрифаково.
Ѓорчев изрази задоволство што се инвестира во сите делови на Македонија, вклучувајќи ги и овие најголеми проекти последниве децении во источниот дел на нашата земја.
