fbpx

Германија го дигитализира здравството со е-рецепти и дигитални досиеја на пациентите

Е-рецептите треба да станат стандардни и задолжителни за здравствените ординации до почетокот на 2024 година. На почетокот на 2025 година, сите лица со јавно здравствено осигурување во Германија треба да добијат електронски досиеја како пациенти

-

Кабинетот на германскиот канцелар Олаф Шолц вчера ги претстави плановите за овозможување широка употреба на електронски рецепти и дигитални досиеја на пациенти во германското здравство, јавува германската новинска агенција ДПА. За овој новитет за дигитализација во здравството се зборувало за време на дводневната средба на коалициската влада во Мезеберг.

По долгогодишно одложување, е-рецептите треба да станат стандардни и задолжителни за здравствените ординации до почетокот на 2024 година. На почетокот на 2025 година, сите лица со јавно здравствено осигурување во Германија треба да добијат електронски досиеја како пациенти, освен ако не поднесат приговор.

„Со ова започнуваме трка да се израмниме и во секојдневната нега и во истражувањето“, рече министерот за здравство Карл Лаутербах.

Пациентите треба да можат да се потпрат на нивните здравствени податоци што се користат безбедно насекаде за да им се обезбеди подобра нега, додаде тој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...