Албанскиот комесар за заштита од дискриминација, Ирма Бараку, го прифати барањето на Македонско друштво „Илинден“ од Тирана, формуларот за поплаки за дискриминација да биде испечатен и на македонски јазик, со кирилично писмо.
Досега , формуларот бил печатен и се употребувал само на албански, грчки и на ромски, а бил изоставен македонскиот јазик.
– На нашата реакција и барање, добивме одговор од Бараку, со кое нè информира дека во иднина овој документ ќе биде печатен и на македонски јазик. Бараку во позитивниот одговор ја нагласува подготвеноста за соработка, се заблагодарува на разбирањето за направениот пропуст и нагласува дека и формуларот и други информации во иднина ќе бидат не само на албански, туку и на јазиците на малциствата, вклучувајќи го и македонското – изјави за „Мета“ претседателот на Македонско друштво „Илинден“ од Тирана, Никола Ѓурѓај.