Во рамки на 19-то издание на меѓународната конференција „е-Општество.мк“ на тема „Вештачка интелигенција и човекови права: Потрага по вистинскиот баланс помеѓу иновација и одговорност” која Фондација Метаморфозис ја организира на 19-ти декември 2023 во Хотел Мериот Скопје (сала Ballroom I), првата панел дискусија ќе биде посветена нa “Етика во дизајн: Градење на инклузивни и неинвазивни технолошки решенија”.
Во дигиталната ера етичките димензии на технологијата никогаш не биле посуштински. Брзиот напредок на дигиталните решенија и услуги има моќ или да послужи како движечка сила за позитивни промени или да ги продлабочи постоечките нееднаквости. Оваа сесија го истакнува значењето на етиката во дизајнот, нагласувајќи го создавањето технологија која ја почитува приватноста, промовира недискриминација и вистински ги задоволува различните потреби на граѓаните. Со решавање на овие критични етички грижи, можеме да работиме кон иднина каде што технологијата служи како средство за зајакнување и вклучување, наместо маргинализирање или инвазија на различни сегменти од нашето општество.
Говорници на сесијата се:
- Фестим Халили, директор, Фонд за иновации и технолошки развој
- Зорица Велковска, ко-основачка на Центар за социјални иновации Блинк 42-21
- Крис Шришак, постар соработник, Ирски совет за граѓански слободи (Германија)
- Тамара Димитрова, истражувачка и основачка на Едукативен центар Скампер
Повеќе информации за конференцијата има на следниот линк: https://tinyurl.com/bde9d2dy
Сите заинтересирани да учествуваат треба да се регистрираат на следниот линк не подоцна од 14-ти декември: https://tinyurl.com/3vnp6nnk.
