fbpx

ДУИ бара аболираните да му пишат на Иванов, а тој веднаш да ја повлече одлуката

-

Демократската унија за интеграција (ДУИ) попладнево преку соопштение го поздрави донесувањето на измените на Законот за помилување во Собранието и побара од аболираните лица да бараат од претседателот на државата, Ѓорге Иванов, да ја повлече одлуката, а од него веднаш да дејствува.

„По создавањето на законските услови за повлекување на одлуката за помилување, ДУИ, како потписник на Договорот од Скопје за надминување на политичката криза, бара г-дин Иванов да дејствува веднаш во согласност со неговите јавни изјави и да ја промени својата одлука за помилување. Исто така, Демократската унија за интеграција ги охрабрува сите 56 помилувани лица што е можно поскоро да упатат барања до г-дин Иванов за да се повлече одлуката која беше донесена без нивна согласност и да овозможат правдата да ја обелодени вистината“, стои во соопштението на ДУИ.

Од партијата додаваат дека со прецизност ќе работи на реформирање на институциите во согласност со очекувањата на меѓународната заедница и ги повикуваат другите парламентарни партии на „конструктивен начин да го помогнат сложениот реформскиот процес за доаѓање до веродостојни и сеопфатни избори“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...