fbpx

Законот за реорганизација на министерствата го поддржаа 88 пратеници, меѓу кои и од ДУИ

Точно е дека законот ќе бил донесен и без пратениците на ДУИ, односно со двотретинско мнозинство од најмалку 80 гласа, но објавата ја манипулира јавноста создавајќи перцепција дека интегративците не гласале за законот на Мицкоски

-

Не е вистина дека за измените на Законот за организација и работа на органите на државната управа, предложен од Мицкоски, гласале 81 пратеник и дека истиот не добил поддршка од ДУИ. Точно е дека законот ќе бил донесен и без пратениците на ДУИ, односно со двотретинско мнозинство од најмалку 80 гласа, но објавата ја манипулира јавноста создавајќи перцепција дека интегративците не гласале за законот на Мицкоски. Факт е дека за законот гласаа 88 пратеници, меѓу кои и пратеници на ДУИ и коалицијата „Европски фронт“, што може да се види и на официјалната веб-страница на Собранието, пишува Вистиномер. 

Текстот го пренесуваме интегрално:

 

 

Анализираме објава на Фејсбук која тврди дека за законот за реорганизација на министерствата кој го предложи лидерот на ВМРО-ДПМНЕ Христијан Мицкоски, гласале 81 пратеник, односно законот не го поддржале пратеници од ДУИ.

ЗА Законот предложен од Христијан Мицкоски гласаа:

58 – пратеници на ВМРО-ДПМНЕ

14 – пратеници од ВРЕДИ

6 – пратеници од ЗНАМ

2 – пратеници од Турските партии

1 – пратеник од ДПА

Вкупно: 81 – ПРАТЕНИК

Ништо не зависело од пратениците на ДУИ!

ДУИ е во опозиција и таму ќе остане!

Коалицијата на Левица и СДСМ функционира одлично и тоа вчера се покажа на дело!

Не е точно дека за законот гласале 81 пратеник и дека истиот не добил поддршка од пратеници од ДУИ, како што тврди објавата.

Имено, Собранието на 8 јуни 2024 година со двотретинско мнозинство од 88 гласа „за“, 22 „против“ и ниту еден „воздржан“, го донесе Законот за реорганизација на органите на државната управа, чиј предлагач беше пратеникот и лидер на ВМРО-ДПМНЕ Христијан Мицкоски, кој е и мандатар за состав на новата влада.

Пред почетокот на седницата, од коалицијата „Европски фронт“ предводена од ДУИ излегоа со соопштение дека нивните пратеници ќе го поддржат предлог-законот.

Дека за законот гласале 88 пратеници може да се види и на официјалната веб страница на Собранието каде е објавена листата на пратеници кои биле присутни на седницата и од која се гледа кој пратеник како гласал. Од листата може да се види и дека пратеници на ДУИ гласале за законот, меѓу кои и партискиот лидер Али Ахмети.

Поранешниот министер за правда Кренар Лога од Алијанса за Албанците, партија која е дел од коалицијата „Европски фронт“ во интервју за „360 степени“, исто така, потврди дека за предлог-законот за реорганизација на министерствата гласале сите пратеници од коалицијата, освен пратениците на Алијанса за Албанците.

Значи, не е вистина дека за Предлог-законот за реорганизација на министерствата предложен од Мицкоски гласале 81 пратеник и дека истиот не добил поддршка од ДУИ. Точно е дека законот ќе бил донесен и без пратениците на ДУИ, односно со двотретинско мнозинство од најмалку 80 гласа, но објавата ја манипулира јавноста, создавајќи перцепција дека интегративците не гласале за законот на Мицкоски. Факт е дека за законот гласаа 88 пратеници, меѓу кои и пратеници на ДУИ и коалицијата „Европски фронт“, што може да се види и на официјалната веб-страница на Собранието. Поради тоа, објавата ја оценуваме како погрешна.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...