fbpx

Димитров: Ако ЕУ дозволи македонскиот јазик да биде пречка, нема да ја заслужи придавка „европска“

-

Ако Европската Унија (ЕУ) дозволи на некој начин македонскиот јазик да биде пречка тогаш нема да ја заслужи во своето име „европска“, порача вицепремиерот за европски прашања Никола Димитров од Прилеп, каде ја предводеше владината делегација на одбележувањето на 11 Октомври – Денот на народното востание.

– Една работа ќе кажам. Мислам дека е неевропски предизвик македонскиот јазик да стане пречка на нашата европска иднина и интеграција. Ако ЕУ дозволи на некој начин ова да биде пречка, тогаш нема да ја заслужи во своето име „европска“. Не знам дали ќе можеме да веруваме на таква Европска Унија. Мора мудрост и почит. Нема пријателство без взаемна почит. Сите што сакаат да го видат македонскиот народ блиску и пријателски, мора не прифатат кои сме и каков јазик зборуваме – ние зборуваме македонски јазик. Без елементарна почит не може да се развие блискост или пријателство. Никој друг на светот, ниту една друга држава, ниту соседна ниту подалечна, па ниту меѓународна организација нема право да се меша во нашето самоопределување – порача Димитров, во контекст на разните реакции од Бугарија во врска со постоењето на македонскиот јазик.

Тој предводејќи ја владината делегација положи цвеќе на спомениците на Методија Андонов – Ченто и на Кузман Јосифовски – Питу, Алејата на народни херои, споменикот „Жена борец“ и Могилата на непобедените.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Полицаец од Крушево исфрлил во ѓубре доверливи документи

Полициски службеник од Крушево исфрлил во ѓубре службени материјали сместени во картонски кутии, а меѓу кои имало и документи со одреден степен на класификација, соопшти Министерството за внатрешни работи...