fbpx

Деновиве ќе стасаат уште 9.000 глукомери и ленти за дијабетичари, најави Меџити

Системско решение со кое треба да се надмине проблемот со терапиите би имало за околу две години, изјави денеска министерот за здравство Фатмир Меџити

-

Деновиве ќе стасаат уште 9.000 глукомери и ленти за лицата со дијабетес што треба да се распределат во сите аптеки. Во моментов, од вчера има 10.000. Системско решение со кое треба да се надмине проблемот со терапиите, би имало за околу две години, изјави денеска министерот за здравство Фатмир Меџити, по повод Светскиот ден на дијабетесот.

„Имавме година во која се соочивме со повеќе предизвици, но сепак морам да истакнам дека Министерството за здравство и Националната комисија за дијабет, во соработка и со здруженијата макотрпно работеа на успешно решавање на истите. Заедно придонесовме за подобрување како на општото здравје, така и на квалитетот на живот на пациентите со дијабет“, истакна Меџити.

Диме Велев, претседател на Сојузот на здруженија на дијабетичари изјави дека со години бараат да се воведе системско решение, со кое пациентите ќе можат да си доплатат за терапија со подобар квалитет.

„Водиме институционален дијалог и не сакаме радикални мерки. Улицата не ја исклучуваме, но доколку немаме дијалог со властите и доколку нема промени“, рече тој.

Од неделава, пациентите со дијабетес имаат достапност на современа инсулинска терапија, а како и 650 сензори за безболно мерење гликемија наменети за деца и млади до 18 години со дијабет тип 1, бремени жени со дијабет тип 1 и слепи лица со чија помош се овозможува континуирано мониторирање на гликемија.

„Со зголемување на дијагностичките и терапевтските можности на матичните лекари овозможивме пациентите со дијабетес да можат да ја добиваат статинската терапија токму кај нив, а знаејќи ја важноста на добрата регулација на масти во крвта кај оваа група на пациенти значително го намалуваме непотребниот морбидитет и трошоци на пациентите. Со ова го подобривме квалитетот и континуитетот на грижата на сите пациенти со дијабетес“, потенцираше Меџити.

Во земјава се регистрирани 140.000 случаи на дијабетес, а воведена е и скрининг програма за лица кои немаат фактори на ризик, со која што се овозможува рана детекција на ризик факторите и со тоа да се превенира или одложува манифестацијата на болеста.

Meта.мк денеска објави текст за дијабетес, во која членовите на здруженијата зборуваа за проблемите со кои се соочуваат.

„Ние не зборуваме за политика, ние не зборуваме за тоа, дали денес ќе почне изградбата на некој пат. Кај нас, ако 5 минути е висок шеќерот, ние сме во ризик да добиеме мозочен удар. Нашите граѓани се дискриминирани. И покрај сиромаштијата, ги тераме да купуваат скапи лекови“, рече Диме Велев, претседателот на Сојузот на здруженија на дијабетичари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Од денеска граѓаните на Македонија, Србија и Албанија со слободен пристап до пазарот на трудот во „Отворен Балкан“

Граѓаните на Македонија, Србија и Албанија од денеска можат да ја користат мерката Слободен пристап до пазарот на трудот во рамки на „Отворен Балкан“, соопштија од Владата. Мерката произлегува од...