Во организација на Министерството за животна средина и просторно планирање, утре во Скопје ќе се одржи јавна дебата, на која ќе бидат расветлени прашања околу актуелни проблеми со закани по животната средина за Студенчишкото блато во Охрид, изградбата на населби во Лазерополе и на територија од националниот парк Маврово.
Ресорниот министер, Нурхан Изаири, ќе има обраќање на тема „Предизвици и активности за заштита на животната средина во Република Македонија“.
Поканети се граѓани и еколошки организации, кои можат да дадат свои видувања, сугестии и идеи за чиста и здрава животна средина.
Дебатата ќе се одржи во конференциската сала на Секретаријатот за европски прашања во Скопје, со почеток во 13 часот.