Турскиот премиер, Ахмет Давутоглу, соопштил и дал уверување дека Турција ќе ги зголеми безбедносните мерки на границата со Сирија по вчерашниот бомбашки напад во градот Сурук, во кој загинаа 30 луѓе, јавуваат медиумите.
Турските истражни органи сметаат дека експлозијата била предизвикана од жена-самоубиец од редовите на Исламска држава (ИД).
Во бомбашкиот напад, кој се случи вчера, настрада група млади активисти, кои се подготвувале да влезат во Сирија и да помогнат во обновата на градот Кобане.
