Македонскиот шампион МЗТ Скопје, по долги преговори, успеа да се договори со Дамјан Стојановски за продолжување на соработката.
Според информациите што ги објавија дел од македонските портали, Дамјан се согласил да остане во МЗТ до крајот на сезоната.
Претходните две сезони македонскиот репрезентативец беше носител на играта на МЗТ Скопје, но летово реши да побара ангажман во странство, откако со „аеродромци“ не успеа да се договори околу платата.
Стојановски првиот натпревар за МЗТ оваа сезона би можел да го запише в недела, против Цедевита, доколку клубот успее навреме да го регистрира.