Во текот на денешниот ден, а најдоцна утре, Министерството за внатрешни работи ќе ги заврши сите постапки околу сообраќајките што се случија во петокот, а во кои беше инволвиран дополнителниот заменик-министер за труд и социјална политика, Диме Спасов.
Ова денеска на прес-конференција го соопшти министерот за внатрешни работи, Оливер Спасовски.
– Во текот на денешниот ден ќе ги завршиме сите постапки и ќе ги добиете сите детали околу овој случај. Сакаме да знаете дека законите ќе важат еднакво за сите – изјави Спасовски.
По завршувањето на полициската истрага за случајот, официјално треба да бидат познати околностите за сообраќајката во петокот вечерта и дали против дополнителниот заменик-министер Спасов и другите инволвирани во случајот ќе бидат поднесени пријави.
Спасов во петокот направи сообраќајка и избега од местото на настанот додека траеше увидот.
