fbpx

Бројот на загинати во земјотресот во Непал надмина 7.000 лица

-

Непалската полиција денеска потврди дека бројот на жртвите во катастрофалниот земјотрес што ја погоди земјата достигнал 7.074 лица, а 14.000 биле повредени, пренесуваат медиумите.

Според официјалните податоци, во земјотресот биле уништени 141.000 куќи, а оштетени биле 150.158 домови.

Како што пренесуваат медиумите, полицијата барала повеќе хеликоптери за транспорт на хуманитарна помош на стотиците илјади луѓе, кои се наоѓаат во оддалечените подрачја, до кои не може да си стигне по патиштата, кои се уништетни од свлечишта.

Портпаролот на Министерството за внатрешни работи на Непал, Лакшми Прасад Дакал, за агенцијата „Кјодо“ изјавил дека се потребни повеќе хеликоптери, околу 400.000 шатори, храна, лекови и други потребни работи.

Обединетите нации (ОН) побараа од Непал да ги олабави царинските контроли, кои, како што велат од светската организација, ја забавуваат доставата на странска помош. Непал ги укина увозните давачки за шатори и за друга стока на 1 мај, но Министерството за внатрешни работи соопшти дека сите стоки што доаѓаат од странство мора да бидат проверени.

Катастрофалниот земјотрес, со јачина од 7,8 степени според Рихтеровата скала, го погоди Непал на 25 април, по што уследија уште неколку силни потреси.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Навални погребан во Москва, го испратија илјадници Руси под силно полициско присуство

Илјадници Руси го скандираа името на Алексеј Навални изјавувајќи дека нема да им простат на властите за неговата смрт, додека денеска во Москва траеше погребот на најголемиот опонент на...