Со презентација на изработки од учениците на ОУ „Св. Климент Охридски“, попладнево во 18 часот почнуваат свеченостите по повод 8 декември – Денот на заштитникот на Охрид, Свети Климент Охридски.
Утре, во 19 часот, во Центар за култура „Григор Прличев“, ќе биде отворена изложба на ликовни творби на учениците од гимназијата „Св. Климент Охридски“, а ќе се одржи и промоција на „Збирка задачи во С++“ – проект изработен од ученичката Исидора Јанева и од професорката Жаклина Лазаревска.
Во 20 часот, во големата сала на Центарот за култура, ќе почне свечената програма по повод патрониот празник на гимназијата.
За утре е закажан традиционалниот атлетски крос, под мотото „Во здраво тело – здрав дух “, додека петдневните свечености, во чест на патронот на градот, ќе финишираат со свечена академија, во понеделник, во 19.30 часот во Центарот за култура „Григор Прличев“.
