Британскиот произведувач на луксузни возила „Бентли“, кој е дел од групацијата „Фолксваген“, објави дека повлекува 27.640 автомобили поради потенцијално неисправни кабли за акумулатори.
Повлекувањето се однесува на моделите „континентал ГТ, „гтц“ и „флај спур“, кои се произведени меѓу февруари 2011 и јуни 2014 година. На споменатите модели постои можност спојката на главниот приклучок на батеријата да е лабава. Поради тоа „Бентли“ доброволно одлучи да ги повлече трите модели.
