Два нови национални рекорди за Македонија се поставени на Европскиот Куп којшто викендов се одржа во Кипар. Атлетичарот Дарио Ивановски го оствари рекордот од 8:06.66 во дисциплината 3.000 метри. Тој заврши на третото место на натпреварот во неговата дисциплина. Атлетичарката Адријана Поп Арсова патеката долга 5.000 метри ја истрча за 17:42, поставувајќи го третиот по ред државен рекорд изминатиов викенд, информираат од Атлетската федерација на Македонија.
Извонредниот настап на македонските атлетичари и атлетичарки на Европското првенствено, во саботата го заокружи атлетичарката Дрита Ислами, која на 400 метри со пречки победи на трката и постави нов државен рекорд.
Добриот резултат на македонските атлетичари е уште позабележителен, со оглед на фактот што станува збор за екипен шампионат, во кој атлетичар(к)ите се борат за бодови за својата репрезентација, а не за личен пласман.
