Фирмите во Македонија што и понатаму ќе реинвестираат, и понатаму ќе имаат можност да не плаќаат данок на добивка, а тоа во Европа го има само кај нас и во Естонија. Тоа значи дека Македонија и понатаму е земја со најповолен даночен систем во тој дел, истакна министерот за финансии Зоран Ставрески, одговарајќи на новинарски прашања за повторната обврска за фирмите од јануари за плаќање данок на добивка којашто нема да се реинвестира.
Според Ставрески, разговарано е со бизнис-заедницата и постои согласност дека се исцрпени можностите за одложување на плаќањето на данокот по таа основа што поради кризата, беа ослободени во изминатите пет години.
