Денеска во Скопје, претставници на Владата на РМ и на компанијата „Капкон“ потпишаа договор за инвестиција вредна 18 милиони американски долари.
– „Капкон“ го избра Скопје за свој дом за деловните активности и за производството наменето за пазарите во Европа. Овој производствен капацитет, откако ќе стане целосно оперативен, ќе вработи околу 400 лица. Исто така, имаме намера да ги прошириме нашите активности тука и да отвориме технички центар, кој ќе има инженерска поддршка во овој капацитет – рече Али ел Хач, извршен директор во компанијата.
Според вицепремиерот и министер за финансии, Зоран Ставрески, оваа компанија од автомобилската индустрија ќе произведува инфлатори за воздушни перничиња, наменети за пазарот во Европа.
