Колумбиската полиција соопшти дека уништила 168 лаборатории за производство на кокаин во една прашума на југот на земјата.
Полицијата наведе дека минатата недела во прашума открила и уништила „168 лаборатории за производство на кокаин“, кои ѝ припаѓале на една шверцерска организација.
За време на операцијата, во која учествувала и војската, запленети се 4,5 тони кокаин во течна состојба, околу 65.000 литри раствор и 2,4 тони цврста материја која се користи за производство на дрогата.
Колумбија е најголемиот светски произведувач на билката кока со 96.000 хектари и со произведени 646 тони кокаин во 2015 година.
