Заврши средбата на претставниците на политичките партии на која се разговараше за специјалниот јавен обвинител.
На средбата присуствуваше белгискиот експерт и олеснувач Питер ван Хојте.
Како што јави „Телма“, претставниците на партиите по состаникот заминале без да соопштат детали, додека пак белгискиот олеснувач дискусијата ја нарекол солидна и интересна.
– Денеска не можам да дадам никаков коментар. Имаше многу интересна, многу солидна дискусија, но не можам ништо да коментирам, извинете заради тоа – рекол белгискиот експерт.
Се очекува во петок партиите ќе почнат конкретни разговори за законско врамување на функцијата на специјалниот обвинител, вклучувајќи го изборот, функционирањето и надлежностите.