Владата вчера распишала оглас за избор на главен извршен директор на Акционерско друштво „Водостопанство“ на Република Македонија, информираше зменик министерот за земјоделство, шумарство и водостопанство Ванчо Костадиновски. Конкурсот ќе трае до 31 август, а новоформираното друштво ќе почне со работа во октомври.
– Ги охрабруваме сите оние кои вруваат во сопствените капацитети, кои имаат одлични организациски способности, се способни да работат тимски и се подготвени за целосно да се посветат на оваа задача и да вложат силен ангажман и да се соочат со овие предизици, да аплицираат на огласот кој трае до 31 август кој има за цел да отвори можност за што поголем број кандидати кои имаат искуство во областа од градежништвото, финансиите, земјоделството или правото – рече Костадиновски.
Заменик министерот информираше дека со самиот старт на работата на АД „Водостопанство“, водостопанските претријатија кои постојат и водните заедници кои се уште се актуелни, ќе бидат затворени. Целата инфраструктура што е во нивна сопственост ќе премине во целосна надлежност на АД „Водостопанство“ на Република Македонија.
